ଉଡେଇ ଦିଅ ଚାଇନା - ସର୍ବେଶ୍ଵର ସାହୁଙ୍କ ରଚନାରୁ

ଦେଶର ସୁପୁତ୍ର          ସହିଦ ହେଲେଣି ,

          ଶତ୍ରୁକଂର ପ୍ରହାରରେ। 

ତଥାପି ଏ ଦେଶ        କରୁଛି ଗୋଲାମି, 

           ଅନ୍ୟ କାହା ଇଶାରାରେ ।।

କାହାପାଇଁ ଗଲା         ସୈନିକ ଜୀବନ, 

         କାହାର ଥିଲା ଯୋଜନା  ।

ଉତ୍ତର ଚାହୁଁଛି         ଏ ସାରା ଭାରତ ,

      ଏଠି ଶାସକ କରେ ଛଳନା ।।

ମାତୃଭୂମି ପାଇଁ         କେବେ ହେଲେ ସେନା ,

           ଦେଲେନାହିଁ  ପଛଘୁଞ୍ଚା ।

ଦେଇଦେଲେ ପଛେ        ନିଜର ଜୀବନ ,

           ନୁଆଁଇଲେ ନାହିଁ ମଥା ।।

ଗଲୱାନ ଘାଟି           କାନ୍ଦୁଅଛି ଆଜି, 

         ସହିଦକଂ ଲହୁ ଧାରେ ।

ହେଲେ ରାଜନୀତି         ପଶା ପାଲି ଖେଳେ,

          ମା'ର ମମତା ଜଳେ।।

ସମ୍ମାନର ନାମେ        ମାତ୍ର କିଛି ଟଙ୍କା ,

           ଦିଅନ୍ତି ପରିବାରକୁ ।

Jay Hind କହି            RIP ଲେଖି, 

      ଭୁଲି ଯାଆନ୍ତି ବଳିଦାନକୁ।।

ଆମ ଯୁବପିଢି          ଧନ୍ୟ ହେ ତୁମେ ,

        ଖାଲି ବଡ ବଡ କଥା କୁହ ।

ସେନା ବଦଳରେ         ଅଭିନେତା ପାଖେ ,

       Love you ଯେ  ଲେଖୁଥାଅ ।।

ମନ୍ଦିର ମସଜିଦ୍         ତାଲା ପଡିଅଛି ,

       ଯଦି କରୋନାର ତାଣ୍ଡବରେ ।

ତେବେ ସ୍ବଦେଶୀ ନାମରେ    ବୈଦେଶିକ ମଦ ,

          ମିଳେ କାହିଁ ବଜାରରେ ।।

ଦେଶର ସମ୍ମାନ         ବାଜିରେ ଲାଗିଛି ,

       ଉତ୍ତର ଦିଅ ହେ ସେନା ।

ଲହୁର ବଦଳେ         ଲହୁଧାର ଚାହୁଁ ,

        ଉଡେଇ ଦିଅ ଚାଇନା  ।।

           ସର୍ବେଶ୍ଵର ସାହୁ 

                 ଭଦ୍ରକ